އިޒްރޭލާއި އެމެރިކާއިން އީރާނަށް ދެމުން ގެންދާ ހަމަލާތަކުގައި އަވަހާރަކޮށްލި އެ ގައުމުގެ ރޫހީ ލީޑަރު އާޔަތުﷲ އަލީ ޚާމަނާއީއާ އެކު ޒަހަމްވި އަނބިކަނބަލުން މަންސޫރާ ޚުޖަސްތާ ވެސް އަވަހާރަވެއްޖެ ކަމަށް އީރާންގެ ދައުލަތުގެ މީޑިއާއިން ބުނެފި އެވެ.
ޚާމަނާއީގެ އަނބިކަނބަލުން އަވަހާރަވެއްޖެކަން އިއުލާނުކުރި އިރު އީރާނުގެ އެތަންމިތަނަށް މިއަދުވެސް ވަނީ ވަރުގަދަ ހަމަލާތައް ދީފަ އެވެ. އެކަމަކު އީރާނުން ބުނީ މަންސޫރާ ޒަހަމްވެ ވަޑައިގަތީ ޚާމަނާއީ އަވަރާކޮށްލި ހަމަލާތަކުގެ ތެރޭގައި ދިން ހަމަލާއަކުން ކަމަށެވެ.
އުމުރުން 86 އަހަރުގައި އަވަހާރަކޮށްލި ޚާމަނާއީގެ އަނބިކަނބަލުން މަންސޫރާ އަވަހާރަވި އިރު އުމުރަކީ 78 އަހަރެވެ. އެ ދެ ބޭފުޅުން ކައިވެނިބައްލަވައިގަތީ 1964 ވަނަ އަހަރު އެވެ.
ހޮނިހިރު ދުވަހު ޚާމަނާއީ އަވަހާރަވީ އަސްކަރީ އަދި ސަލާމަތީ އިންފްރާސްޓްރަކްޗާއަށް އަމާޒުކޮށް ދިން ހަމަލާތަކުގެ ފުރަތަމަ މަރުހަލާގަ އެވެ. ޚާމަނާއީ އަވަހާރަވިކަން އީރާނުން އިއުލާނުކުރީ މިކަން އެމެރިކާގެ ރައީސް ޑޮނަލްޑް ޓްރަމްޕު އިއުލާނުކުރެއްވިތާ ގަޑިއިރުތަކެއް ފަހުންނެވެ.
ޚާމަނާއީ އަވަހާރަކޮށްލި ހަމަލާތަކުގައި ޚާމަނާއީގެ އަންހެން ދަރިކަނބަލުންނާއި އޭނާގެ ފިރިކަލުން އަލުން ޚާމަނާއީގެ ކާފަ ދަރިކަލަކު ވެސް އަވަހާރަކޮށްލި އެވެ.
އިޒްރޭލާއި އެމެރިކާގެ ހަމަލާތަކުގައި ޚާމަނާއީގެ އާއިލާގެ ބޭފުޅުންނާއި ސަރުކާރުގެ އިސް އެތައް ބަޔަކު އަވަހާރަކޮށްލާފައި ވާއިރު ދެ ދުވަސް ތެރޭ އެ ގައުމުން މަރުވި މީހުންގެ އަދަދު ވަނީ 550 އަށް ވުރެ މައްޗަށް ގޮސްފަ އެވެ.
އިޒްރޭލާއި އެމެރިކާއިން ބުނަމުންދަނީ ހަމަލާތައް އަދިވެސް ކުރިއަށް ގެންދާނެ ކަމަށެވެ.