މި ރޯދަމަހުގެ ފަހު 10 ގައި ބޭންކް އޮފް މޯލްޑިވްސް (ބީއެމްއެލް) އިން ހިދުމަތް ދޭނެ ދުވަސްތަކާއި ގަޑިތައް މިއަދު އިއުލާންކޮށްފި އެވެ.
ރޯދަމަހުގެ ފަހު 10 ގެ ދުވަސްވަތައް ފެށޭނީ އަންނަ ހަފުތާގެ ހޯމަ ދުވަހު އެވެ. މި ސަރުކާރުން ހަމަޖައްސާފައިވާ އުސޫލުގެ ދަށުން، ރޯދަމަހުގެ ފަހު 10 ގެ ދުވަސްވަތަކުގައި އަޅުކަން ކުރުމަށް ވީހާ ވެސް ގިނަ ބަޔަކަށް ފުރުސަތު ދިނުމުގެ ގޮތުން އެ ދުވަސްތަކުގައި ސަރުކާރު ބަންދު ވާނެ އެވެ.
ބީއެމްއެލް އިން މިއަދު ބުނީ، ފަހު 10 ގެ ދުވަސްތަކުގައި ވެސް އެ ބޭންކުގެ ހުރިހާ ހިދުމަތެއް އޮންލައިންކޮށް ލިބޭނެ ކަމަށެވެ.
އެކަމަކު، އެ ބޭންކުގެ ބްރާންޗުތަކުން ހިދުމަތް ދޭން ހުޅުވާ ގޮތަށް ނިންމާފައި ވަނީ ބީއެމްއެލް އިން ބުނިގޮތުގައި އަންނަ ހަފުތާގެ ބުދަ ދުވަހާއި މި މަހުގެ 18 ވާ ބުދަ ދުވަހު އެވެ. ބްރާންޗުތައް ހުޅުވާ ގަޑިއަކީ އެ އިން ކޮންމެ ދުވަހެއްގެ ހެނދުނު 9:30 އިން މެންދުރު 12:30 އަށެވެ.
އަދި ރޯދަމަހަށް ފަހު ޝައްވާލް މަހުގެ ފުރަތަމަ ހަ ދުވަހު ނުވަތަ ހަ ރޯދައިގެ ދުވަސްތަކުގައި ވެސް ބީއެމްއެލްގެ ބްރާންޗުތައް ހުޅުވާނީ ކޮންމެ ދުވަހެއްގެ ހެނދުނު 9:30 އިން މެންދުރު 12:30 އަށް ކަމަށް ބުންޏެވެ.