އެމްޔޫ ސްޓޯރުން މަޝްހޫރު އޮލިޓާލިއާ ބްރޭންޑުގެ ހާއްސަ އުފެއްދުންތަކެއް ރާއްޖޭގެ މާކެޓަށް ތައާރަފްކޮށްފި އެވެ.
އޭގެ ތެރޭގައި "ޝެފް މޭނިއާ އެކްސްޓްރާ ވާޖިން އޮލިވް އޮއިލް" ސްކުއީޒް ބޮޓްލް ހިމެނެ އެވެ. މިއީ ޕްރޮފެޝަނަލުންނަށް ހާއްސަކޮށް އެ ބްރޭންޑުން ނެރެފައިވާ ފުޅިއެކެވެ. ފެންވަރު ރަނގަޅު އެކްސްޓްރާ ވާޖިން އޮލިވް އޮއިލްގެ އެ ފުޅިއަކީ ފިތާލުމުން، ސީދާ ބޭނުންވާ މިންވަރަށް ތެޔޮ އަންނަ ފުޅިއެކެވެ. އެ ތެޔޮ ފުޅި ފަރުމާކޮށްފައި ވަނީ ތެލުގެ ގުދުރަތީ އަރޯމާ އާއި ފްލޭވާ ދެމެހެއްޓޭން ގޮތަށެވެ. މިއީ ޑްރިޒްލް ކުރުމަށާއި ގާނިޝް ކުރުމަށް އަދި ޕްލޭޓިން ތައްޔާރުކުރުމުގައި ވަކި މިންވަރަކަށް ކޮންޓްރޯލްކޮށް ތެޔޮ ބޭނުން ކުރުމަށް އެހީވެދޭ ގޮތަށް ފަރުމާކޮށްފައިވާ ފުޅިއެކެވެ.
އެ ކުންފުނިން ދެ ވަނައަށް ތައާރަފްކުރީ އޮލިޓާލިއާ ބްރޭންޑުގެ ކޮންޑިމެންޓް ތެޔޮފުޅިތަކުގެ ރޭންޖެވެ. މިއީ އެކި ފްލޭވާތައް އިންފިއުޒްކޮށް ތައްޔާރުކޮށްފައިވާ ތެލެވެ. އޭގެ ތެރޭގައި އޮލިޓާލިއާގެ ކޮންޑިމެންޓް ރޭންޖުގައި ތަރުކާރީ ރޯސްޓުކޮށް، އެކި ވައްތަރުގެ މަސް ފިހުމުގައި ބޭނުން ކުރެވޭނެ ރޯޒްމެރީ ތެޔޮ ހިމެނެ އެވެ. އަދި ޕާސްތާ އާއި ސެލެޑާއި މެރިޓަރޭނިއަން ކެއުންތައް ތައްޔާރުކުރުމުގައި ބޭނުން ކުރެވޭނެ ބެޒިލް ތެޔޮ ހިމެނެ އެވެ. އޮލިޓާލިއާގެ ކޮންޑިމެންޓް ރޭންޖުގައި ސިޓްރަސް ރަހައެއް ހިމެނޭ، ސީފުޑާއި ސެލެޑް ޑްރެސިންއަށް ބޭނުން ކުރެވޭނެ ލެމަން ތެލާއި ސްޓޭކް ފަދަ ތަކެތި ތައްޔާރުކުރުމުގައި ބޭނުން ކުރެވޭނެ ގާލިކް އެންޑް ޕެޕާ ތެޔޮ ހިމެނެ އެވެެ.
އޮލިޓާލިއާގެ އެ ރޭންޖުގެ ތެޔޮ ފުޅިތައް ތައްޔާރުކޮށްފައި ވަނީ ނެޗުރަލް ފްލޭވާތައް ހިމަނައިގެންނެވެ. މިއީ ކެއްކުން އިތުރަށް ފުރިހަމަކޮށްދީ، އެކި ޑިޝްތަކުގެ ޑެޕްތު އިތުރުކޮށްދޭނެ ފްލޭވާތަކެކެވެ.
އޮލިޓާލިއާ އަކީ ދުނިޔޭގައި މަޝްހޫރު ޕްރިމިއަމް ކަލިނަރީ ބްރޭންޑެކެވެ. މިއީ ރާއްޖޭގައި ވެސް މަގުބޫލު ބްރޭންޑެކެވެ. މި ބްރޭންޑުގެ އުފެއްދުންތައް ރާއްޖޭގައި ވިއްކަނީ އެމްޔޫ ސްޓޯރުންނެވެ.